Mektubat

Sayfa metni

J $u kadar var ki sultânü’l-ezkâra vâsıl olamamakla berâ- ber tekâlif-i şer’iyye ve evâmir-î ilâhiyyelerini bi-hakkın edâ edemeyen ’avâm-ı nâsın kemâl-i intizâm ile yapmakta olduk­ ları harekâtın havâss-ı müşârünileyhimin gayr-i muntazam harekâtıyla kâbil-i te’lıf ve tevfîk olamayacağı bedîhîdir. Ne­ tice olarak ’arz ve ifâde olunur ki mensûbîn-i tarîkat-ı ’aliy- yenin derece-i hararet ve muhabbetlerine ve bâ-husûs ’amel­ den daha ziyâde hâiz-i ehemmiyet olan hüsn-i niyyetlerine vâ­ kıf olmayanlar bu gibi bir mes’ele-ı dîniyyenin lehinde veyâ- . hûd ’aleyhindeki bir karârın i’tâsına cesâret edemeyecekleri dahî tabî’îdir. Ancak Sultânü’l-âşıkîn Burhânü’l-vâsılîn Mah- bûb-ı Sübhânî Gavs-i Samedânî ’Abdülkadir Gîlânî -Kuddise sirruh- Hazretlerinin ravza-i rûhâniyye ve merkad-i nûrâniy- yeleriyle mübâhî olan Bağdâd Bihişt-âbâd’ın dergâh-ı şerifle­ rinde meşhûd-ı bâsıra-i fakîrânem olan zîkr-i şerifin yalnız ku’ûden ve kemâl-i edeb ve fart-ı sükûnet ve vekâr ile sünnet-i seniyye-ı nebeviyyeye bi-temâmihâ tevfikan icra buyuruldu- ğundan fakiriniz dahî bu meslek-i müstakimin hâricine çık­ mak cesâretinde bulunamam. . Ma’amâfîh zât-ı fâzılâneleri ma’rûzât-ı dâ’iyâneme kesb-i ıttıla’ edince taraf-ı ’âlîlerinden verilecek hükm u kararın dâ’î-i muhlislerine iblâğ buyurulmasını ricâ ve dâimâ mes- mû’-ı sâmi’a-i iftihârım olan muhterem iltifâtınızın devâm ü bakâsını istirham eylerim. Bâkî, es-Şelâmü ’aleyküm ve rahmetullahi ve berekâtüh 8 382