Mektubat

Sayfa metni

37. Mektub Gözlerinizi öper ve be-tekrar letâif-i aşere-i aliyyenizi Ce- nâb-ı Hakk’ın selâmîyla mübeşşer eder ve takdir ve takdisi kuvve-i beşeriyemin hâricinde bulunan iltifat-nâmenizin bir köşesinde îrâd buyurulan suâlin cevâbım söyler ve mâ-hadara fi’z-zihn-i dâiyânemi arz ve takdime mücâseret eylerim. İnsan, âb û ateş, hâk u bâd, .nefs ile kalp ve ruh ve sırr ve hafi ve ahfâ gibi letâif-i aşereden mürekkeb olup hamse-i sâbıkaya âlem-i halk ve hamse-i lâhıkaya âlem-i emr ıtlak olunmuş ve nefs hilkaten âlem-i halkın imtizâcından mütehassıl bir buhâr-ı zulmânî işerde nisbeten âlem-i emr’e tabi tutulmuş­ tur. Âlem-i halk ferâiz-i cismâniye ile mükellef olduğu gibi âlem-i emr dahî nevâfil-i seniyye ile muvazzaftır. Huşu, hu­ zur, muhabbet, maıyyet, kurbiyyet gibi bir çok meziyyât-ı be- şeriyyeyi hâiz olan âlem-İ emrdir. ^' J^ J^'^ U! <j/i G^ J'ji ^ hadis-i şerifi da­ hî bu ma’nâya işârettir. Emmâre-i bi’s-sû’ olan nefs eczâ-yı insâniyenin en mezmûmu olduğu halde nevâfil sâyesinde vü­ cûdun en memdûhu olacağı mervîdir. Kaale’n-Nebiyyü -sallallahu aleyhi ve sellem-: .Bina-berîn «lâ yahmulü ata’yal-melik illâ metâyâh» kai- de-i kaviyyesine istinâden Cenâb-ı Hakk’ın teklif buyurmuş olduğu tâât ve ibâdâtı iktidâr için herhalde merâhım-i celîle-i ilâhiyyeye ve tevfîkat-ı bâhiru’l-füyûzât-ı Samedâniyye’ye der-kâr olan ihtiyâcımız zâhir ve bâhirdir. Edâ-yı ferâiz ve nevâfile vâbeste olan ve saâdet-i dünyeviyye ve uhreviyyeyi cami bulunan rızâ-yı meyâmin-ihtivâ-yı Hazret-i Mevlâ’yı ka­ zanmak için dâima ihvân-ı kirâmın hıffet-i zâhir ve safvet-i bâtınını istirhâm eder ve meşâgıl-i mütekessire-î dünyeviyye ile vücûda ârız olan betâetin ref’i bâbında Cenâb-ı Hakk’a ■ tazarru've niyâz eylerim. 140