Sayfa yükleniyor…
Sayfa metni
Bu dahi Eğilmiş yây gibi kavsin elinde zor bâzûlar Baş eğmiş hüsnüne lütfün görünce şâh-ı mehrûlar Beni öldürmeğe kâfî değil mi dest ü bâzûlar “Nedir ey yâr dil-cûsunda bu müjgân u ebrûlar Şikestli çîneli sünbüller zırhlı halkalı mûlar” ■ Egerçi Bû Alî teshîr-i nâsa hayli kâdirmiş Görenler hikmet-i aynın bilürler kim o kasırmış Nigâhın aklı başdan sabrı cân u dilden ayırmış “Senin ey mest-i nâzım çeşm-i fettânın ne sâhirmiş Ki hayrân oldular ta’yîn-i efsûnunda çâdûlar” . Vasıyyet eylerem cânâ semâmı lutf ile aldır Gözüm bağın ben-âsâ bir şehîd-i ışka bağlatdır Nevâyü’l-firâkı bülbül-i şeydâya söylettir ' “Ölürsem derd-i çeşm ile beni çöllerde defn etdir Ki gelsün hâk-i kabrim üzre mesken tutsun âhûlar” Gönül aşkınla ser-gerdân olup terkd diyâr etmiş Alup tâb ü tüvânın Kays-âsâ bî-karâr etmiş ' Siyeh-rûz eylemiş bahtım temelden târ u mâr etmiş ' Sevâd-ı hâcibin ey serv-i dil-cû câne kâr etmiş ■ Aceb mi aksa câ câ dîdeden cû cû kara sular” ' Sabâ gerçi güzer kılmış hıtâ vü hıtta-ı hûya - Velâkin olmamış mâlik bu dürlü anberîn bûya Sanasan şimdi sahrâ-yı Hicazı eylemiş pûya “Gelürken çîn-i zülf-1 yâre yüz sürmüş sabâ gûyâ Ki neşr oldu cihâna nükhetinden, anberîn bûlar” Eğilmez kâmeti âyâ gören cüft ettiği tâkın Kaçırmaz gevher-i aklın açarsa lâ’l-i berrâkın Yazılmış gördüm Es’ad seyr ederken aşkın evrâkın “Şikest olmaz mı Nevres pençe-i ârâmı uşşâkın Çıkınca âsetînden nâz ile ol sim bâzûlar” Mefâ’îlün / Mefâ’îlün / Mefâ’îlün / Mefâ’îlün 204