Divan I Esad

Sayfa metni

Pâdişâh*! Cennet-mekân Sultân Süleymân Hân-ı Kânûnî Hazretlerinin Gazeline Yapılan Tahmîsdir Hamdü li’llâh kim ezelden nûrun izhâr eyledin Feth edüp ebvâb-ı genci gevher îsâr eyledin “Küntü kenzen” sırrına mir’âtı âsâr eyledin “Dest-i kudretle yoğ iken âlemi var eyledin Kimini müslim kılup kimini küffâr eyledin” Hikmetin fehminde âciz âlet-i sem’u basar Kudretin derkinde kâsır kuvve-i akl-ı basar • Hâşimfden Ahmed-i Muhtâr u deryadan güher “Hârdan güller bitürdün nahlden hurmâ-yı ter İbret içün kullarına hikmet izhâr eyledin” Mecma’-ı “kâiû belâ”da ümmet-i hayru’l-beşer Feyz-i ihsânınla buldu bir acâ’ib zîb ü fer Ayn-ı hikmetle ki kıldın âleme bir dem nazar “Kimine verdin bihişt ü hil’at u tâc u kemer Kiminin yerin cehennem menzilin nâr eyledin” Her kim eyler iddi’â-yı kâbiliyyet başlıca Cehlini izhâr eder beden işitsin doğruca Emr u fermân hep şenindir şimdi bildim eyüce “Kiminin kaddini kıldın serv-i ar’ardan yüce Gözlerin yaşın kiminin cûy-ı. enhâr eyledik" 190