Divan I Esad

Sayfa metni

Meşâyih-i Nakş-bendiyyeden Emir Nigarî Hazretlerinin Eş’ârına tahmistir Nûr-ı basarım serdeki sevdâ-yı Muhammed Sevdâ-yı serim dîde-i şehlâ-yı Muhammed Ârâm-ı dilim sünbül-i ra’nâ-yı Muhammed “Sînemdedir ol dâğ-ı temennâ-yı Muhammed Gönlümdedir ol nâr-ı tevellâ-yı Muhammed” Hiç kalmadı başta heves-i lâle-i ahmer Etmez dil-i şeydâ taleb-i sâgar-ı Kevser Her dem eder ezvâkımı hakkıyla muattar “Her lâhza kılur gönlümü reşk-âver-i anber Efkâr-ı dü-gîsû-yi semen-sâ-yı Muhammed” Bir şahsın olursa ger ihlâs refiki Tevfik olur elbette onun yâr-i şefikı Mişkât-ı hidâyetle bulur feyz-i tarîki “Eltâf-ı Hüdâ'dır. verir îmân-ı hakîki ' Dil-dâdelere zülf-i çelîpâ-yı Muhammed” . Ey tûtiî hoş-gû-yı kalem dalma sükûta İzhâr ediyor pl Hakk’ı varmış ki sübûta Mi’râcr verip şa’şa’a taht-ı ceberûta. “ “İsrâ”da salup velvele mülk ü melekûta Reftâr-ı şîrîn-kâmet ü bâlâ-yı Muhammed” 170