Sayfa yükleniyor…
Sayfa metni
Birâder-zâdem Yahya Efendinin Manzum Mektubunun bi’t-tahmîs Cevâbı Yazılmıştır Yandı cânım âteş-i firkatle ey şûh-ı şebâb Alemi tutmuş derûnumdan çıkan bûy-ı kebâb Rahm kıl bimârına ey dil-ber-i âli-cenâb “Dağ-dârım zahmına merhem urup kıl bir sevâb Gel gel eyle dûd-ı âhımdan azizim ictinâb” Mat eder mihr ü mehi şâh-ı cemâlin heybeti Seb’a-i seyyâreden aldın civânım rağbeti Görmedim hüsnün gibi gezdim diyâr-ı gurbeti “Pertev-i nûr-i cemâlin bedr ile yok nisbeti İktlbâs eyler senin rûyından ey meh âfitâb Cân ile geldim lebinle eyleyem bey’u şirâ’ Lik aşkın aldı benden maye-i çûn u çirâ Eyledin hâlin perîşân kâle gelmez mâcerâ “Dâne-i lutfa esir oldum rehâ kıl serverâ Pûte-i hecrinle her dem eyleme canım müzâb” Kimse yakmaz bir nigehle âşık-ı divânesin Rahm okur Şîrîn’e her işiten efsânesin Berk-ı rûyin lem’ası yıkmış tenim kâşânesin “Nâr-ı şevkin şu’lesi yakmış gönül pervânesin Bahr-ı aşk içre olup her bir sirişkim bir habâb” 222