Sayfa yükleniyor…
Sayfa metni
Tahmîs-ı Gazel*i Nevre s Oldu gâret yine ser-mâye-i takvâ vü salâh Geldi bezme bugün ol râh-zen-i ieyz ü felâh . Müjde ey dil nazar-ı duhter-i rîz oldu mübâh “Çekilüp zulmet-i şeb doğdu gün açıldı sabâh; Kum nedîmî edri’l-ke’se ve zidlî fi’r-râh” Görmedim bû-yi safâ zerrece sizden sûfî Gönül öğrenmedi bir şey dilinizden sûfî Şimdi öz nefsini kurtar elimizden sûfî “Taleb-i resm-i felâh eyleme bizden sûfî Neylesün ehl-i harâbatda âyîn-i salâh” Gördüm ol şem’-i şebistân rûh-i efruhtemi Yaktı pervâne-sıfat bu cesed-i kûftemi Açmasun kimse şu demde dehen-i dûhtemi “Hâme şerh etse eğer hâl-i dil-i sûhtemi Temtelî min haserânî safahâtu’l-elvâh” Söyledim aşka yanaşma hazer et tehlikeden Gönül aldırmadı aslâ şu kadar veylekeden Çıktı bir kertede elden zafer-i mâsikeden “Her ne etsem ben anı kurtaramam-mühlikeden Leyse yâ sâhibu H’Lkalbi mine’l-aşkı necâh” Fenn-i aşkı ne bilür merdüm-i nâdân-ı vesığ Cânı isterse eğer yâr edemez akl-ı dirîğ İşit Es’ad ne dir ol şâir-mümtâz-ı belîğ “Öldürürse nola Nevres beni ol gamzesi tîğ Âşıkânın olagelmiş kanı nia’şûka mübâh” Fe'llâtün / Fe’il&tün / Fe'ilâtün / Fe’ilün 202