Sayfa yükleniyor…
Sayfa metni
Tahmîs-i Gazel-i Hâlis Zikr-i Mevlâ ile hoştur meclis-i rindânemiz Fikr-i Leylâ ile şendir kalb-i mecnûnânemiz Sanmanız kim hubb-i dünyâdır bizim cânânemiz “Aşk olup rûz-i ezelden sâkî-i peymânemiz Alemi gavgâya salmış nar’a-i mestâriemiz” Sâha-i mülk-i ademden hüsnün içün gelmişiz Cân nedir cânân nedir "kâlû belâ’dan bilmişiz İltifât-ı yârdim bir katre olsun içmişiz “Alem-i cândan şarâb-ı vasldan mest olmuşuz Sırr u vahdettir hemîşe bâde-i meyhanemiz” Kalmadı pervâ mâkam-ı cem’den hem farkdan Bezm-gâh-ı pîrde doyduk safâ vü zevkden Mest ü medhûşuz şarâb-ı haş-güvâr-ı şevkden Rind ü rüsvâ vü kalender-meşreb olduk aşkdan Alemi baştan başa tutmuş bizim efsânemiz” Düştü sevdâ-yı cunûna aklımız tedbîrimiz Zerre-i lütfunladır tesrîrimiz tenvirimiz . Bu imiş rûz-i ezelden gâlibâ takdirimiz “Dâm-ı zülfün dâne-i hâlin olup zencîrimiz Yoksa yoktur âlem-i dünyâda âb u dânemiz” Gerçi zevk-i zâhirîmiz gül-şen-i vuslattadır Lîk feyz-i ma'nevîmiz gûşe-i vahdettir Es’adâ etme şikâyet meymenet mihnettedir “Nice yıllardır ki Hâlis hecr ile zulmettedir Şimdi feyz-İ vasldan rûşen olup kâşânemiz Fâ’ilâtün / Fâ’ilâtün / Fa’llâtün / Fâ'llün 166