Mektubat

Sayfa metni

î 128. Mektub 1 H Da’avât-z hayriyye ve taltîfât-ı behiyye-i mün’ımânelerini ibşâr eyleyen kerâmet-nâmeler bârân-ı rahmet gibi muntaza­ man tevâlî ve te’âkub ettikçe bahâr-ı ömr-i âcizânemiz ez- hâr-ı füyûzât ile ’anber-nisâr olmakta ve zülâl-i şefkatleriyle , seyr-âb olan kulûb-ı pejmürdemiz izhâr-z mesâr ile iftihar ey­ lemektedir. Bu ni’metlere mukabil beyân-z teşekkür kabil ol­ mayacağı gibi teveccühât-z fâzzlânelerinin devam ü sebâtı da­ hî kemâl-i şerm ü hicâb ile istirham olunmaktadır. Fakiriniz dahî dilim döndükçe ve fırsat buldukça ed’ıye-i hayriyenizi tilâvet ve üzerimde olan bâr-ı minneti mümkün mertebe tah­ fife mübâderet eylerim. Hacı Âsim Bey biraderimizin rüyâsından mahzûz ol­ dum. Başımdaki tâca rûhâniyetlerinde zuhur eden tama’ o kadar güzeldir ki, mâ-fevki tasavvur olunamaz. Bereket ver­ sin ki kapmamış veyahut kapamamış. Yalnız şeker sucuğuna kanaat buyurmuştur. İlâhî âfiyet olsun. Kuvvet olsun. Kuv- vet-i ma’nevî olsun. Başında görmüş olduğu sarıklı fesi iebrîk eylerim. İnşâallah tâc-ı şerife de nail olurlar. Ma’lûm olduğu üzere sarıklı fes kisve-i ’ulemâdan olduğu gibi tâc-ı şerif dahî meşâyih-i tarikata mahsûs bir ’alâmettir, ’ilmin ’amelden mukaddem olduğunu ve ’ulûm-ı dîniyyesinin tahsiline mu­ vaffak bulunduğunu ve bâ-husûs başımızda bulunan tâc-i tari­ kata tama’ eylediğini ifâde eden bu rü’yâ-yı sâdıkalarz şâyân-ı tebrîkdir. Hem de böyle olmalıdır. Çünkü sa’âdet-i ebediyyeyi kazanmak için ferâiz-i dîniyyeyi ta’allüm ve o Um ile ’amel eylemek zarûrîdir. Kaale Aleyhisselâm: i< ül înşâallah Te’âlâ muvaffak olurlar. Cümlenize ’arz-ı lâm ve ihtirâm eylerim. se- 344