Mektubat

Sayfa metni

S? 1^' 123. M q k t u b 1 Dîdârh behcet-şi’âr-ı devletinizden dür, ve güftâr-ı gev- her-nisâr ’(ülfetinizden mehcûr isem de işm-i şerifinizi kâle aldıkça kalbimde bir sürür ve resm-i münifinizi hayâle saldık­ ça ruhumda bir hubür hissediyorum. Ve o sâyede serâpâ me­ serret ve huzur kesiliyorum. Cenâb-ı ’Âlimü’s-sirr ve mâ fi’s- sudur Hazretleri eski şefkatinizi veyâhûd yeni merhametinizi üzerimden dür ve vücûd-ı zi-cûdunuzu sarsar-ı havâdisle ren- cûr buyurmasın, âmîn. Evlâd-ı ma’neviyemizden İzzetlû Fik­ ri Efendi bendeleri vâsıtasıyla takdim olunan ’arîza-i fa- kîrânemin cevâbına nâil ve haklarında mebzul buyurulan il- tifât-ı cihân-derecâtlarından dolayı be-tekrar bâr-ı minneti hâmil oldum. Bâ-husûs esnâ-yı ziyâretlerinde hakk-ı fakîrâ- nemde izhâr buyurulmuş ve değerimin fevkinde bulunmuş o- lan ta’bîrât-ı faika ve taltîfât-ı râika-i devletiniz ’azîm bir his- s-i şükrân ile telakki olundu. Lâkin doğrusu en ziyade sevdi­ ğim: «Efendi Hazretleri’ne i’tirâz etmeği severim» güftâr-ı ha- kâik-nisârınız idi, îşte ömrüm oldukça bu ta’bîr-i 'abîrin hak- k-ı teşekkürünü ifâ edemem. Çamlıca’dan Ferhad Paşa Çiftliği’ne vâkî’ olan seyâhat esnâsında mesmû’-ı fakîrânem olan kelimât-ı âsafâneleri kerâ- mete hamlolunamazsa da ferâsete atfeylemek dahî az gelecek­ tir. Lâkin ne çâre ki bunlar meyânında üçüncü bir makam .tasavvur edemiyorum. Binâenaleyh, «Zâtınızla şeref bulan ferâset Tercih olunur keramet üzre» Beyti ile iktifâ eylemek mecbûrîdir. Mevlâm kerameti de ihsan buyursun ve bu zerre-i bî-miktârı şems-i tâbân-ı şefka­ tinizden mahrum buyurmasın, âmîn. 334 ra