Mektubat

Sayfa metni

112. Mektub Medâr-ı mefharet ve mâye-i mahmidet olan ve kemâl-i ’atıfet ve merhametinizi mübeşşir bulunan bir kıt’a inâyet- nâmeniz vâsıl-ı eyâdî-i imtinân olarak ed’ıye-i hayriyenizi ref’-ı Bâr-gâh-ı Hazreti Yezdan eyledim. Tarikat-ı ’Aliyye-i Bahâiyye’de Zât-ı Devletiniz gibi bir re- fik-i şefkat-güster ve bir şefîk-ı hakîkat-pervere nâil olduğum­ dan dolayı şükrân-ı firâvânımı takdim ve tâlî’-i berceste-i fa-t kîrânemi dahî tebrik eylerim. Netîce-i şükran olarak vesile it­ tihâz buyurmuş olduğunuz rûhâniyyet ile ülfet ü râbıta-i şe­ rif eye germiyyet ve ehemmiyetle, cemâ’at-i evliya ile hasrolu­ nacağınızı ve benî beşere teveccühü melhuz bulunan bi’l-cüm- le âfât-ı arziyye ve semâviyyeden mahfûz buyurulmanızı pî- rân-ı izamın şefâatıyle cenâb-ı Hakk’ın avn ü inayetinden istirhâm eylerim. Meşhûd-ı bdşıra-mahzûziyyetim olan tarîkat-ı aliyyede- ki istikâmetinizden fevka’l-’âde memnûn ve Cenâb-ı Hakk’a müteşekkirim. Fâtih Müderrislerinden Fazîletlû Hoca Mehmed Efendinin selâmıyla berâber derslerinin Hoca Yektâ Efendi vâsıtasıyla nefse irtikâ buyurulmasını yazmış idiniz. el-Ham- dülillâhi Te’âlâ ’âlâ zâlik. Mevlânâ ma’lûm ola ki: Letâif-i ’aşerenin cümlesi tasfiyeye muhtâç bulunduğundan sâlik için ’ale’t-tertîb cümlesiyle zikreylemek lâzımdır. Bir insan,üzerine gusl-i şer’î lâzım olunca bedenin her cihetini ve belki her nok­ tasını yıkamak lâzım olduğu gibi tasfiye-i bâtına rağbet eden zât için dahî letâifin ve belki de eczâ-yı cismâniyyesinin dahî kâffesiyle zikreylemek zarûrî bulunmuştur. Şu kadar var ki, isti’dâd mütefâvit bulunduğundan sâlik olan kimse için her­ hangi latif ede terakki ziyâde olacak ise o latifeye müdâvemet ve diğer latîfeden ziyâde ona rağbet eylemesi münâsib bulun­ muştur. Binâenaleyh ihvân-ı kirâmımın kâffesı tahâret-i zâhireye ve nezâfet-i bâtıneye muvaffak olarak çirkâb-ı ma’âsî ve me­ zâlimden mahfûzan huzûr-ı Bârî’de ictimâ’ımızı ve ihsân-ı bî- pâyânıyla mahzûz buyurulacağımızı rica ve tazarrû’ ve istir­ hâm eylerim.. 310