Mektubat

Sayfa metni

109. Meiktub ! Zihnî E fendi biraderimizle beraber konakta tahrîr buyurmuş olduğunuz tahrîrâtın mütâla’asından fevka’l-’âde mahzûz oldum, Hakk T e’âlâ Hazretleri tarîkat-ı ’aliyyeye olan rağbetinizi ve onun semere-i hasenesi olan feyz ve bereketinizi müzdâd buyursun. Âmîn.. İmam Ali -Kerremallahü vecheh- Efendimiz Hazretleri bu­ yurmuşlardır. Dünyâda cem’-i mâle hasr-ı efkâr edip servet ü sâmâna mâlik olanlar hayâtta iken emvât kabîlindendir. Ha- yât-ı ebedıyyeye nail olan ancak ma’ârif-i ilâhiyye ve ezkâr-ı bâtınıyyeye mâlik olan bir kimsedir. Fi’l-vâkı’ bir insan hak- kiyle mütâla’a ederse ferdaya kadar bakâsı ma’lûm olmayan bir mevcûd için ebedî bir devleti fedâ etmez. Kezâlik hemm ü himmetinin mu’azzamını, Mâlik ’ale’l-ıtlâk olan Haalık-ı ’A- zîm’in tahsîl-i rızâsı yoluna sarf eyler. Veffakanallahü Teâlâ ve iyyaküm âmîn. Kemâl-i muhabbet ve ihlâsınıza bir delîl-i celi olan lütuf- nâmeleriniz her hafta postasıyla muntazaman vârid olmakta olduğu gibi bu hafta dahî bir kıt’asına nâil oldum. Mülâkat için izhâr buyurulan arzu-ve iştiyaka iştirak eyledim. Hakk Te’âlâ Hazretleri şu ciddî olan arzulara merhamet edip ni’- met-i muvâsalatı ihsân buyursun âmîn. Fi’l-vâkı’ râbıta bir dereceye kadar medâr-ı tesliyet ve müstelzim-î feyz ü bereket olur. Velâkin muvâsalatda mevcûd olan fâide yalnız rûhâniyyete mahsûs olmayıp cismâniyyete dahî şâmil bulunduğu tabî’îdir. Mevlâm maksûdunuzu hâsıl, matlûbunuza vâsıl buyursun. Fakiriniz lütfunuzun memnun ve. şermendesi olduğum gibi tekâsüle meydan vermeyerek bir du’a-yı cismânî ve bakâ- yı iltifâtınızın temenniyâtıyla hatm-i ma’rûzât eylerim ve’s- selâm. 302