Mektubat

Sayfa metni

i S 9 Mayıs sene 321 târihti iltifat-nâmeniz vâsıl oldu. Müte­ essir bir kalb, müteellim bir hatır ile yazılmış olan o nâme-i meveddet-i ’allâmeyi temâşâ eden göz, kırâat eyleyen lisân-ı fakîrânemi tavsif etmek istiyorum. Lâkin biri deryaya düşen diğeri makâm-ı iktidardan düşen iki perişandan nişân vermek için bir ârif-i ’âlı-şân ve kâtib-i belâğat-efşân lâzımdır. Dâî- iniz gibi hâdim-i dervîşânın iktidârından hâriçtir. • Ziyâret-i fâzılâneleriyle şeref-yâb olan H alil E f endi’- nin sûret-i mülâkât ve muhabbetini okudukça ve o meclis-i melâık-enîsin ulviyyet-i şânını düşündükçe vücûd-i fakirane­ me teveccüh eden endûh-ı firkat ve arzû-yı vuslatı bir vech ile ta’rîf edemem. Hakk Celle ve ’Alâ Hazretleri o Halil - i Sâ - dik’ a ihsân edilen şeref 4 didârı bu 'alîl-i vâmıka da ihsân bu­ yursun. Edilen ed'iye-i hayriyeyi, Bârgâh-ı icâbetinde şâyân-ı kabul eylesin âmîn. . ' İnşâallah Te’âlâ birkaç güne kadar mûmâileyh Halil Efendi buraya gelip cemâl-i cânânı gören gözlerinin müşâ- hadesiyle tenvir-i uyun eyleriz. ’ Bugün ziyâret-i ihvân pek ziyâde olduğundan şu varak- pâremi üç-dört fâsıla ile tahrîr etmiş olduğum gibi A l i Dâ’- îniz dahî takdîm-i ’arîza için aslâ vakit bulamamıştır. Elleri­ nizi öpüyor, isti’fâ-yı kusur ediyor lütfen afv, buyurunuz. Afv-ı kusur hususunda tevakkuf etmeyiniz. JaJI ' kaziyyesi ma’lûm-ı ’âlîleridir. İbâdet ve tâ’at için müsâ’id za­ manların kemâl-i ğâflet ile geçmiş olduğu dâhil-i hesâb olur ise vâki’ olan kusurların afvı için bir zemîn-i müsâ’id ihzâr-et­ miş olursunuz. Bâkı, Veffakakümullahü Te’âlâ âmîn. ve’s-Se- lâmü ’Aleyküm... 280