Mektubat

Sayfa metni

91. Mektub Aksâ-yı âmâlim olan sa’âdet ve selâmet-İ ahvâlinizi mübeş- şir ve baka-yı iltifât-ı hâlisâne-i asdıkânelerini müş’ir bir kıt’a ihsan-nâmenizi alıp mütâla’asıyla mahzûz oldum. Ce- nâb-ı Hâlık-ı ’Azim ve Vâhib-i Rahim’e teşekkür eyledim: Ma’lûm-ı âlîleri olduğu gibi sâlik-i râh olan zât dâimâ bir noktada bulunmaz. Menzil be-menzil kat’-ı mesafe ettikçe her bir makama mahsûs bulunan etvâr-ı ahvâli müşâhade eder ve bu gibi ahvâlin nîk ü bedini temyiz ve tefrik için evvelâ mürşide ve sâniyen şef-ı şerife mürâca’at eyler. Şerî’at nok- ta-İ nazarında merdûd olmayan ahvâle makbul nazarıyla ba­ kılır. Binâenaleyh iş’âr buyurmuş olduğunuz keyfiyyet ham- dolsun şâibe-i gâileden âzâdedir. Mûcib-i teşekkürdür. Ma’a- mâfîh madem ki Faziletli Hoca Yektâ Efendi birâderi- mizle de görüşmek kolaycadır, bazan musâhabe buyurunuz. Çünkü o zâtın tecrübelerine ilâve olmak üzere kuvve-i ilmiy- yeleri de mükemmeldir. İnşâallah Te’âlâ fâideden hâli ol­ maz. Cenâb-ı Allâh cümlenizi mekâıd-i şeytâniyyeden muhâ- faza buyursun âmîn... 266