Mektubat

Sayfa metni

81. Mektub 12 Nisan 320 târihiyle muharrer olan ihsan-nâme-ı mera- him-i allâme-i şefkat-küsterâneleri ârâyiş-i enâmil-i imtinân oldu. Hakk-ı fakîrânemde te’âkup. ve tevâlî eden ve hâne-ı kalbimi envâr-ı meserretle tenvir, eyleyen neyyirü'l-iltifât-ı bî- ğâyâtınıza karşı îfâ-yı teşekkürden âciz bulunduğumu izhâra lüzum görmüyorum. Her postada aldığım nâmenizin beyazı sahîfe-i sinemizi tesrîr; sevâdı ise süveydâ-yı kalbimizi tenvir etmektedir. Cenâb-ı Hakk-ı Kâdir-i bî-Nazır feyz ü bereketinizi teksir, ve meşâmm-ı canımızı anber-i nisbetle ta’tir buyursun âmin. Çünkü Tarika-i Aliyye-i Bahâiyye’mize mahsûs olan nis- betin bû-yı dilcûsu gibi dünyâda bir râyiha-i tayyîbe tasav­ vur olunamaz. Bu râyiha cennete mahsûs olsa gerektir. P • ^^J f^ ¿zb âyet-i kerîmesi mûcibince tarika-i aliyye ile müşerref olanlar için, de olabilir. İşte Cenâb-ı Allah -Celle Celâlühû- hakk-ı ’âlînizde tekrar etmekte olduğum bu gibi duâlarımı bir def'acık olursa olsun şâyân-ı kabûl ederse o zaman kendimi bahtiyâr bilirim. Vazîfe-i teşekkürün bir kısmını edâ etmiş olurum, ve İllâ felâ.. Rabbi yessir ve lâ tuassir âmîn bi hürmeti Tâhâ ve Yâ- sîn... 244