Mektubat

Sayfa metni

70. Mektub M ■J ’Âfiyet-i 'âlilerini müş’ir ve bakâ-yı 'âtıfet-cihan-kıymetle- rini mübeşşir 23 Mayıs 320 tarihli ihsan-nâme-i mürüvvet-i 'allâmelerini eyâdi-i imtinâna aldım. Kalem-i ’ârifânelerinden cereyan eden ta’bîrât-ı râika ve takdîrât-ı fâikayı mütalaa et­ tikçe da’vât-ı hayriyyenizi be-tekrâr takdîm-i kabûl-gâh-ı Ce- nâb-ı Perverdigâr eyledim. Ma’rûzât-ı mütekaddime-i fakira­ nemin vusulünden günlerce mukaddem ^J ^1 ¿Uli ^ âyet-i celîlesinin sırrına mazhar ve tefekkür-i mevtin iksâriy- le kesâfet-i mâsivâdan kalb-i 'âlînizin mutahhar olduğu işaret buyurulmuş idi. Cenâb-ı Hakk’a teşekkür eyledim, İksîr-i a’za- min fevkinde bulunan tarîkat-ı ’aliyyenin faaliyetine müte­ şekkir oldum. İlâhî, sa’yiniz var olsun. Feyziniz ber-karar ol­ sun. Murâkabe-i şerîfeye devam sâyesinde her gün bir ihsân ile karîn-ı imtinân olacağınız şüphesizdir, ma’lûm-ı 'âlîleri ol­ duğu gibi bir sâlik-i tarikat latîfe-i kalbini kesâfet-i mâsivâ­ dan tathîr edince hâne-i muhabbet ve âşiyâne-i hümâ-yı ma’- rifet olacağı tabî'îdir. Kemâ kile:- ¿J^j y, ^ ¿Ol Rûyun Niyâzî eyle hâk, derd ile bağrın eyle çâk Kalbin, sarayın eyle pâk, şâyet gele sultan sana Buyurmuş oldukları misillü her halde nâil olacağınız hâ- lât-ı şerife ve makâmât-ı münîfenin tebşiriyle dâ’î-i pür-tak- sîrinizi tesrîr eylemek şân-ı ârifânelerinden olacağına emniy- yetim ber-kemâldir. '• İnşaallahü Te’âlâ sâbıkı misillü bir hayli beşâretlerle kâm-yâb olacağım tabî’îdir. Vakit müsâid .olmadığından şimdilik afv-i ’âlînizi istirham eylerim. 222