Mektubat

Sayfa metni

66. M e k t u b Bu defa dahî inşâsı güzel, ihlâsı güzel, şîve-i edası güzel olan ve köşkün hevâsından bülbüllerinin nağme ve nevâsın- dan muktebes bulunan iltifat-nâmeniz vâsıl oldu. 5 Mayıs 321. târihiyle muharrer idi. Pek âşıkâne idi. Sâdıkâne idi. Hemân hemân bir aşk-ı mücessem idi. Firâkın ihrakından, visalin ez- vâkından bâhis idi. Bir nısfı muvâsele gibi dâ’înizi mahzûz eyledi. Ni’met-i visâl için ed’iye-i hayriyeye mecbur eyledi. Olunan du’âmızın kabulü maksadıyla siz dahî âmîn söyleyi­ niz. înşâallahü Te’âlâ şâyân-ı kabili olur. Vesîle-i vusul olur. Semâhatlü Efendi Hazretlerinin iltifâtıyla be-tekrar müf tehir oldum. Derecât-ı ma’neviyyelerinin terfii için tazarru’- da bulundum, çünkü hakîkaten bu Zât-ı ’Âli kendi nefsini lâ- yıkıyla sâfil etmiştir. Yoksa bizler gibi bir. mevcûd-ı ma’dûma veyahut bir nokta-i mevhuma bu derece tevâzû’ ve iltifat bu­ yurmazdı. Cenâb-ı Allah Zât-ı Semâhat-penâhîlerini ârıza-i ar- ziyye ve semâviyyeden mahfûz ve kalb-i enverlerini atiyye-i İlâhîsiyle mahzûz buyursun. Âmîn.' ¿1 ¿; jâs ^ly Crt> hadıs-i şerifine mazhar bulunan bu Zât-ı ’Âlî hakkında ki ni’am-ı celîle-i ilâhiyyeyi ’ân samîmi’- l-kalb tebrik eder ve Cenâb-ı Hakkın zikr ü fikrinden hâlî kal­ mayan sahîfelerindeki evrâk-ı eşcâr ve nev-resıde-gân-ı hadî- ka-i gülzâr olan âlem-i ezhâr ile tûl-i zaman imrâr-ı hayât ey­ lemelerini tazarrû’ ve niyâz eylerim. el-Bâkî Hüvallah... 214