Mektubat

Sayfa metni

28. M e k t u b i 118 Bâki, es-Selâmu aleyküm, Seâdetlû Ziyâ Bey Hazretlerine arz u takdim ettiğim varak-pâre-î dervişanemin bir misliyle zât-ı fazılânenizi mu­ hat ab ettikten sonra ilâveten ifâde olunur ki, müşâhede-i cis- mânî hakkında izhar buyurulmuş olan arzû-yı sâdıkaneleri cidden mûcib-i mahzûziyet oldu. Çünki arzû-yı mezkûrenin. kısm-ı a’zamı fakirinizi bi-tâb etmektedir. Evet, asılda mev- cûd olan şevk u arzû fer’de mevcûd olanın fevkinde bulun­ duğu bedihîdir. Cenâb-ı Allah şu gâli ve âlı olan noktaya nâzır bulunan arzuları hâsıl ve müddeâlarına vâsıl buyursun âmin. Tasdîe müncer olmaz i’tikadıyla bu babda arz edebilirim ki, Arşu’r-Rahman olan ve bu meziyetle zıyâ-yı şemsin fevkin­ deki bir ziyâya mâlik bulunan kalb-i mü’min için mesâfe-i kurb ve bu’dun ehemmiyeti olmayıp her mahalde sâbit ve ihvân-ı sâdık nezdinde sâbit ise de musâhdbe-i cismâniyenin dahî meziyeti, ashâb-ı kiram ve tâbiîn-i ızâm efendilerimizin hâl u şanıyla ve derecâtlarıhm ihtilâfıyla vâzıh ve müberhen- dir. Bakirinizi teveccühâtı bâhiru’l-füyûzât-ı ihvâna şâyân ey­ leyen Mevlâ-yı Müsteân, zülâl-i visallerine dahî reyyân buyu­ racağından kat’-ı ümmid etmem. beyt-i fârisîsi musâhabe-i cismâniyyenin ulviyet ve meziyetini lâyıkıyla takdir ediyor, bunun hulâsa-i ma’nâsı: «Gökteki me­ lekler yeryüzünde Cenâb-ı Hakk-ın rızasını kazanmak için yârân-ı tarikatın içtimâ ve muhabbetlerine gıbta etmekte bu­ lunduklarınım beyandan ibârettir. Kâffe-i evliyâullah-i Teâlâ’nın hattâ makam-ı kutbiyet ve gavsiyete irtika eden mukarrabînin ser-tâcı makamında bu­ lunan Ü v ey s-i Karni Hazretlerinin-bir saat olsun-şeref-i sohbete nâil olan ashâb-ı kirâmın kâ’bina varamıyacağı is­ ' bât-ı müddeâya kâfidir.