Mektubat

Sayfa metni

3. Mektiıb Hakk Te’âlâ Hazretleri Kelâma Kadîmi’nde >23 buyurmuştur. Bu âyet-i celîlenin hülâsa-i ma’nâsı ber-vech-i zır tefsir ve beyân buyurulmuştur: Ma’lûm olduğu üzere küffârın âdât-ı câhiliyye ve ahlâk-ı nâ-mardiyyelerinden ictinâben ehl-i îmânın bâdi-i halâsı ve bâis-i fevz ü felâhı olabilecek hakîkatlar sırasında umûma hi­ taben şeref-sâdır olan âyât-ı sabıkada evvelâ takva ve tâ’at ve sâniyen ehl-i îmanın yek-diğeriyle ittifak ve ittihad ve mu­ habbetle emir buyrulmuştur. İşbu hakîkat-ı meşrûayı efrâd-z islâmiyyenin cebeli, be­ devi, kuravî, medenî kısımlarının câhillerine ta’lim ve tefhim bâbında buyuruyor, ki: vEy cemâat-i müslimîn, sislerden bir taife ulûm-ı dîniyyeyi ta’lim ve tahsilden sonra avâm-ı nâsı tevhid-i hakîkîye da’vet etsin. Şer’an, aklen müstahsen olan eşyayı kendisi icra ettikten sonra şâirlerine emretsin. Ke- zâlik kabîh olanları kendisi müntehi olduktan sonra diğerini de nehy eylesin. İşte bunlar hakîkaten, ashâb-ı fevz ü felâhdır- lar. Şayet Cenâb-ı Hakk’ın evâmır ü nevâhîsine i’tinâ etmez ve ilmi iktizâsınca itaat ve imtisâlde bulunmazsa teblîğ-i ahkâm-ı ilâhiyyeye şâyân olamaz. Etse bile te’¿iri görülemez. Hülâsa-i kelâm, Hakk Te’âlâ Hazretleri avâm-ı nâsın zulmet-i cehl ü maâsîden halâs, ve envâr-ı maâriften behre-mend ol­ maları için bir cemâat-ı mahsûsanın ilmen, amelen istikmâlini emr ü kifâye tarîkiyle farz buyurmuştur. Bu vazîfe-z mukad- desenin bâr-ı mâbihi’l-iftihârı şüphesiz ulemâ-i zahir ve ule- mâ-i bâtın yani meşâyih-i kiram efendilerin uhde-i kifâyet ve liyâkatlarına tahmil buyrulmuştur. 8 ¡^ 14