Sayfa yükleniyor…
Sayfa metni
Zevât-ı muhtereme tarafından gazeliyyât-ı fakîrâneme yapılmış olan tahmîs-i nefisedir. Ey hâl-i ruhun anber-serâ-yı melâhat Ey her nazarın şem’-i şebistân-ı sa’âdet Ey gamzelerin zıll-ı hıyâbân-ı selâmet Ey la’l-i lebin mâ hasal-ı bahr-i letâfet Gözlerden akan yaşlara hiç yok mu nihâyet Sâbit-kadem ol kûşede meydâna atılma Hercâ’îlerin meclisine böyle katılma Bâzâr-ı mahabbette bir ağyâra satılma Aldanma iki sâhire efsûna kapılma Eyler ki gözün kadime kaş ile işâret Bir bûy-ı mahabbet diledim berg-i berinden Ta’tîr-i meşâm etmiş iken hâk-i derinden Yandım o senin dîde-i mu’ciz-eserinden Allâh’a sığındım o güzel gamzelerinden Kim âhû-yı Çin eyler ana arz-ı dahâlet Mansur gibi zülfüne âmâde-İ salbim Vâbestedir eltâfına benden Benî Selîm Hikmet ne imiş dergeh-i ihsânına celbim Ruhsânna her dem -bakıyor dîde-i kalbim Cânâ ne sa’âdet bu ise şemse ibâdet 246