Sayfa yükleniyor…
Sayfa metni
Ettiler sibt-ı Rasûl-i Ekrem’i anda şehîd Nûr-ı ceşm-i Murtazâ mahdûm-ı mahbûb-ı mecîd La’netü’llâhi teâlâ külli küffârin anîd Hâşe li’llâh kim bu hâli ehl-i îmân eylesün - Böyle kâfir zâlimin hâmîsinin Zü’l-intikâm Lâşe-i murdânn etsin cây-ı ta’n-ı hâs u âm Âteş-i dûzahla oldukça muazzeb âm-i âm Gonj:a-ı a’mâlini gül-nâr-ı hırmân eylesün Mâcerâ-yı Ehl-i beyti yâd edüp âdem olan Muhlis-i şâh-ı risâlet server-i âlem olan Hasret ü hüzn ü esefle hâzır-ı mâtem olan Yalınız bu dem değil her ân efgân eylesün Âsumân ister ise âlemde rif’at bulmayı Sâye-i şâh-ı velâyette meziyyet bulmayı Ol sirâcü’l-Hak Hüseyn ile meveddet bulmayı Mâh u mihrin ol dahi bu yolda kurbân eylesün întikâm almak o kâfirden eğer mümkün ise Cânını eyler fedâ bir kimse ger mü’min ise Hânedân-ı Mustafâ’ya bende-i muhsin ise Dil o vâdîde fedâ-yı cevher-i cân eylesün Fâ’llâtün / Fâ’ilâtün / Fa’llâtün / Fâ’ilün 220