Divan I Esad

Sayfa metni

Bu Dahi:. Hevâ-yı mâsivâ-yı ey dil-i dîvane teb’îd et Hakikat matlabında müstakîm ol Hakk’ı tefrîd et Cibânın gül-şeninde ihtiyâr-ı bezm-i tecrid et “Yakup aşk adına cânı meşâmmın bûy-ı tevhîd et Kamûya yek nazar birle şuhûdun rû-yı tevhîd etr’ Şu’ûr oldukça başında gönül gafletle davranma Cenâb-ı Hakk’a teslim ol sakın şeytâna aldanma Fenâ bahrinde cevlân et seyâhateyle saklanma “Şu mâhîler gibi kendini deryâdan cüdâ sanma İhâta eylemiş her yana bak her sû-yı tevhîd et” Beş oh gün ömr-i dünyâ değmez ey dil fikr u tedkîka Semend-i himmeti sevk eyle cevlân-gâh-ı tevfîka Zuhûrât-ı bedâyi’le işin hasr eyle tatbîka “Salınma câh-ı taklide suûd et evc-i tahkîka Sana senden sefer eyle seni sen duy tevhîd et” Naîm-i ravza-i rengin şemîm-i lâle vü nesrin Cemâl-i nâzik-endâm u visâl-i Leylî Şîrîn Yüzünde bû-yi safvet yok kamû eyler seni gam-gîn “Izâfâtı bırak gözden açılsun dîde-i Hak-bîn Temâşâ-yı cemâl-i şâhid-i dil-cû-yı tevhîd.et” Derûn-ı sineden gâfil cihât-İ sitteden âgâh Ulaşmaz kâ’be-i âmâle hayrette kalur güm-râh Var ise dîde-i dil Es’adâ gör her teferrüc-gâh “Salât-i ehl-i kalbin kıblesidir “semme vechullâh” Niyâzî durma dâim secde-i ebrû-yı tevhid-et” Mefâ’îlün / Mefâ'îlün / Mefâ'îlün / Mefâ’îlün 182