Divan I Esad

Sayfa metni

Tahmîs-i Gazel-i Nevre s Kûşe-i hicrânda oldum ma’raz-ı cevr ü cefâ Micmer-i nâr-ı mahabbet mecma’-ı derd ü belâ Hakkı var rûh-ı revânım olsa benden cüdâ “Hayli derlidir almadım meyden safâ neyden nevâ Leytenî mâ züktühâ ev mâ teâteytü’l-hevâ” Nây u mey sanma badîs-i mâsivâdan bahseder Öyle zannetme ki kânûn-ı riyâdan bahseder Mey fenâ-yı kalbden sırr u hafâdan bahseder ' “Ney nevâ-yı ışkdan lutf u hevâdan bahseder Fi’l-hevâ ,mâ lümtenî lev künte tedrî mâ revâ” Çeşm-i kesret-bîn ile âlemde oldun bî-nevâ Kayd-ı bend-i nefs ü şeytân hâne vîrân-ı riyâ - Doymamış asla mezâkın zevk-i sahbâ-yı fenâ' “Ey ki terk-i mâsivâ terkin eylersin bana ■ Mâsivâ çün olmaya mümkün mü terk-i mâsivâ” Gâlibâ der-hâtır etmiş hıdmet-i dirinemi Kıldı manzûr-ı inâyet sîne-i bî-kînemi Düştü fırsat eyleyeyim âmâc-geh âyînemi ' “Niyyet etmiş kim dele müjgân okuyla Sinemi LeytehÛ vâfî ve bâkî azmuhû fîmâ nevâ” 176