Divan I Esad

Sayfa metni

Tecellâ-yı cemâlinden habîbim nev-bahâr ateş Gül âteş bülbül âteş sunbül: âteş hâk ü hâr ateş Şuâ’-ı âfitâbındır yakan bi’l-cümle uşşâkı Dil âteş sîne âteş hem dü çeşm-i eşk-bâr âteş Hayâl-i şem’-i rûyinle aceb mi yansa cân u dil Nigârım gel de gör kalbimde âteş âh u zâr âteş Ne mümkün bunca âteşle şehîd-i ışkı gasl etmek Cesed âteş kefen âteş hem âb-ı-hoş-güvâr âteş Ben el çektim safâ-yı hâtır u ârâm-ı canımdan Safâ âteş cefâ âteş firâr âteş karâr âteş Ne yapsam bu dil-i mahzûnu mesrûr eylemem şahım Gam âteş gam-güsâr âteş temennâ-yı mesâr âteş Ümid-i âfiyet besler mi Es’ad yârdan hâşâ Saçar oldukça gözden ol nigâr-ı gül-i zâr âteş Mefâ’îlün / Mefâ’îlün / Mefâ’îlün / Mefâ’îlün 130